目錄 購物車 ({{currentCart.getItemCount()}}) 聯絡我們

關於窮記

2015 - 04 - 27

年紀大左, 就好鍾意重播當年今日. >W<


要細說窮記的歷史, 就要講返大約10年前左右, 
那時候, 創始人之一的KENNY大大 還好細個, 
在一間本地的玩具店打工, 開始中玩具毒, 
掙返來的錢, 部分用來維持生命的所需之外, 
其他都用作購買玩具之用, 
果時, ONLINE SHOP 剛剛興起,  
為左逃避月光族的追殺, 
有時候迫不得意要將手頭上的玩具變賣, 
我想這個就是這一間POOR BUT HAPPY SHOP 的初型. 

在之後的日子, 離開了玩具店, 開始在好多公司工作過, 
而果時興網上討論區, 因為興趣的原因, 成立了一間玩具拍攝為主題的討論區, 
開始了攝影這興趣. 

好景不長, 在2009年的時候, 雙失左好耐, 
在一個好朋友的鼓勵下, 一起開始這一間POOR BUT HAPPY SHOP. 

好多時, 好多客人都是因為依間店的店名吸引而來, 
而我, 在不同時期, 對這個名字都有不同的體會. 

因為一開始, 依間店舖其實是一間以海外為主的相機店, 
我地主要是將貨品郵寄到香港以外的國家, 
我地好黑仔, 開左店無耐, 西班牙那邊好似破產, 
浪及到全世界的經濟, 每日都過住食白果的日子, 
好記得果時我地都想申請破產, 想汁左間店, 
但黑暗的日子, 總會見到光明, 
那時, 識到好多人, 總會講一些好WARM 的說話激動人心,
這一些話語, 給予我堅持及固執這2樣美好的東西. 

之後的一年, 唔, 都是唔講了, 寫寫下好似寫日記, 

是咁, 咩是關於窮記呢? 
簡單地說, 就是一個雙失青年, ON99升呢做左老細, 
之後就俾好多善長人翁, 你又包下我, 佢又包下我, 
就是咁包養左我同依間相機店咁耐的勵志故事. ( 好熱血 )

未來會點, 會怎麼樣都沒有關係了, 
你地給予的, 已經是好多好多的, 
而我, 都大個仔了, 要更加地加油才可以, 
用生命影響生命, 為你地製造更多的幸福快樂才可以, 

謝謝大家, 成就了這麼一個的店舖仔, 同時成就了這麼一個我. 感謝. =D



KENNY